Literatura

Agustín Comotto naceu en Buenos Aires en 1968. Empezou por debuxar cómics, mais desde hai algúns anos tamén traballa escribindo e ilustrando libros para nenos. Divírtese contando historias a través das imaxes e goza debuxando gatos, barcos, o fondo do mar e o cuarto de María (cos seus peluches). Pola contra, non lle gusta debuxar ordenadores, escaleiras de caracol e ovellas. Publicou libros para nenos en México, Arxentina, Venezuela, España e Italia, entre outros países. Vive en Corbera de Llobregat, nunha casa de trescentos anos cun faiado que fai de obradoiro de debuxo. Ten dous gatos, malia que antes tiña tres, e cada verán, as andoriñas volven ao tellado da súa casa, desde Suráfrica, para pasar as vacacións.